Делот ХЕМИЈА од Алкалоид АД е дел од СБЕ Хемија, Козметика и Билка и е основан во 1957 година од група професори при Технолошко металуршкиот факултет од Скопје и од група стопанственици од земјава. Фабриката работи во рамките на СБЕ Хемија, Козметика и Билка и е лоцирана во Скопје, со реакторски единици со различен работен волумен, со придружни апарати, инфраструктура и со сопствен развој. Ги поседува сертификатите ISO 9001, издаден од страна на QА, ISO 14001, издаден од страна на QА, ISO 13485, издаден од страна на QА, ISO 45001, издаден од QA и СЕ за медицински средства, издаден од DEKRA Certification B.V. Делот Хемија е лиценциран VDA производител на AdBlue®. AdBlue® е регистрирана трговска марка на VDA (Verband der Automobilindustrie), германска Асоцијација на автомобилската индустрија.

Денес ХЕМИЈА има развиена програма за производство на чисти хемикалии и на реагенси од органско и од неорганско потекло, со pro analysi, reagent grade, reagent grade extra pure, purum и со фармакопејски квалитети за лабораториски цели, за индустриски цели, за широка потрошувачка, има производи за земјоделско производство, медицински средства и средства за чистење и за дезинфекција.

Асортиманот, освен наведениот, е флексибилен и релативно бргу може да се развиваат нови комбинации на нови производи бидејќи развојот на делот Хемија се одвива во правец на флексибилност, но и на компатибилност на програмата со барањата на пазарот и со исполнувањето на квалитетот, роковите и на цените на производите. Самиот развој на нови производи, кој се остварува во секторот Истражување и развој, регистрации е во потполност поддржан од секторот Контрола на квалитет, којшто во континуитет се подобрува преку инвестирање во најсовремена апаратура, дообука и во специјализација на вработените.